حوّل كل تعليق ورسالة إلى زبون

أول أسبوعين مجاناً على الأساسية: تضيف بطاقة فيزا أو ماستركارد، وما نخصم شي لين تخلص التجربة. بعدها الأساسية 5 د.ك شهرياً، والبرو 10 د.ك، والأعمال 12 د.ك. شركات التسويق تدفع 3 د.ك شهرياً لكل عميل، ولكل عميل مساحة خاصة، بعد ما نوافق على رخصتها التجارية. وإذا احتجت عملاء أكثر بالشهر، تزيد 100 بـ 2 د.ك لهذا الشهر بس، والأتمتات والمستخدمين الزيادة تجي مع باقة أكبر. تدفع بكي نت؟ اشترك على طول بدون تجربة. تلغي متى ما تبي، وبياناتك وقنواتك تبقى.

عشان يكمل اشتراكك بعد التجربة بدون انقطاع. ما نخصم شي خلال الـ 14 يوم، ويوصلك إيميل قبل أول خصم بثلاث أيام، وتقدر تلغي من الإعدادات قبلها.

أي شخص ترد عليه أتمتة خلال الشهر. لو نفس الشخص كتب لك عشر مرات، ينحسب مرة وحدة. والعدد يبدأ من جديد كل شهر في يوم تجديد اشتراكك.

يوصلك إيميل لما يبقى 100، وإيميل ثاني أول ما توصل الحد. الأتمتة تكمل مع العملاء اللي تكلموا هالشهر، والعملاء الجدد ما يوصلهم رد تلقائي لين تزيد العدد أو تنتقل لباقة أكبر أو يتجدد اشتراكك. ورسايلهم توصل صندوق الوارد عادي.

كل رسالة تمر أول بقواعد المنصة نفسها: نافذة المراسلة، وشنو مسموح للحساب، والصلاحيات اللي عطيتها. إذا المنصة ترفض رسالة، Links ما يرسلها.

لا. اختر قالباً أو الأتمتة السريعة، اكتب كلماتك وردك، وانشر. البنّاء موجود إذا تبي تفرّعات أو تأخير أو أسئلة.

إي. فعّل «لأول عدد من الأشخاص فقط» في الأتمتة وحدد العدد. كل شخص ينحسب مرة وحدة، والرد يوقف عند آخر مكان حتى لو علّق ناس كثير بنفس الوقت. واللي يجون بعدهم يوصلهم رد تكتبه أنت، مثل «خلصت الهدايا». العدد يبين لك في صفحة الأتمتة، وتقدر تبدأ جولة جديدة من الصفر.

إي. مطابقة الكلمات تفهم الإملاء العربي (التشكيل، والألف بهمزة أو بدونها، والتاء المربوطة والهاء)، والتطبيق كله من اليمين لليسار. الزبون يكتب ٩٩١٢٣٤٥٦ وينحفظ كرقم هاتف صحيح.

افتح المحادثة وأوقف الأتمتة. البوت يسكت عن هذا الشخص، وأنت ترد من نفس الصندوق.

إنستقرام الحين. تيك توك قريباً وواتساب بعده، والشريط فوق يعرض حالة كل قناة.